Zittesj
vrieheid
vrieheid is
gein sjtandjbeeld
dat sjtief sjteit
vrieheid is
laeve, vergaeve,
nooits vergaetevrieheid is
mage doon waats te
kèns en laote zeen
wae-s te bèsvrieheid is ouch
lache en bäöke
sjrieve en dichte
vrie is de sjriever
dae deit keize
veur ein gedich
veur ’n verhaol
mit ‘n aope ènj…
John Hertogh
www.zittesj.jouwweb.nl
Biografische Informatie John Hertogh – Veldeke Limburg
***
‘t Köfferke
Vriejheid in Limburg,
det begós veur dich mit ‘nne barre toch.
Vanoet Remunj, op klumpkes en mit ’n köfferke in de handj.
Door de kaaj en de sjneej ging ‘t.
Eers nao de sigarefebriek van dien vader in Neel;
vanoet de binnesjtad, euver de breer biej ‘t sjlachhoes, nao de Julianalaan.
Daonao mit heel väöl luuj,
in lange rieje, te voot en mit kerre, nao Brüggen.
Dao maakdes dich van dien houte klumpkes ‘n kösse om op te sjlaope.
Waat ging d’r door dich haer, zo es klein maedje?
In dien köfferke dien ‘sjatte’;
’n beukske en get porceleine pupkes.
Én kemuuniej-sjeunkes. Sjeunkes, te sjoon om aan te doon.
Mit de trein gingk geer wiejer,
op waeg nao ’t onbekinde Frieslandj.
In veewages obbein, óngerwaeg besjaote vanoet de lóch.
Waat ging d’r door dich haer, zo es klein maedje?
In Leeuwarde, weer aeve kiendj,
mit dien zuster, dien elders en breurs, veilig in de buurt.
En, allein veur dich es jongste, dien köfferke mit al dien sjatte.
Hiej gingse weer nao sjool,
nao de kerk mit de ganse femilie, sjtraotbreid.
Boete sjpele mit de kienjer in de Meidoornsjtraot en in de weije.
Maar echte vriejheid det kwaam pas,
wie se dae hoge tore weer zoogs, al waas ’t in sjtukke.
Dien köfferke oetpakke, dien ‘golje’ sjatte in ’t zónleech, in dien eige sjtad, Remunj.
Waat ging d’r toen door dich haer, zo es klein maedje?
Monique Kerpen
Nao verhaole euver kiendj-zeen in de oorlog, van Mia Kerpen-Lormans
De kleine Tovenaar
Limburgs spreken in kinderopvang: Friesland als voorbeeld? – L1 Nieuws
***
Nuts
Gevange
Aan ’t eind van d’r gank
zieën ich mien mam loupe.
Mit kleine peskes,
toefelt ze uuever de aafdeiling.
Ze sjtópt. Sjus vuur ’n moer.
Sjtap, sjtap. Sjtap, sjtap.
Häör veut gónt op en neer
wie ‘ne soldaot dae marsjeert op de plaats.
Lankzaam drèjt ze zich óm.
Dan geit ze weer loupe,
eindeloos óngerwaeg
op ‘ne aafgeslaote gank.
Ze löpt óp mich aaf,
mit ‘ne laege blik,
ouge wied aope,
sjtarend in de verte.
Ze is noe gans dichbie.
“Hoi mam.”
Ze zuut mich neet.
Ich sjtap óp ’n zie,
laot d’r gaon.
Ron Leunissen
HOME – Ron Leunissen
Referentie | Bib, Ron Leunissen | Vertaalbureau LinQuake – LinQuake
***
Zittesj
doot mer
dans
hip
hop
dartel
hawt vas
laot gaon
laef
höb leif
sjpeel
sjprèng
zèk
zèng
vleig
vuil dich vrie
ich laot dich dich
leuts doe mich mich?
Hanneke Post
046 Sjrif – bundel met werk van dialectschrijvers
Hanneke Post | 046 Schrijft
Dao wo ich gebaore bèn – Veldeke Zitterd
https://www.veldeke.net/welkom-bij-veldgewas
***
Zjwaams/Swalmens
Vriej zin
Eersdaags gèn vuurwerk meer
in de nach van aad op nuuj,
binne ech neet rouke
in ’t biejzin van anger luuj.
Maksimaal 100 oppe autowaeg,
huur en belasting betale:
zake toch wo mennigein
waal ‘ns sjtevig van kin bale.
Veur moge allemaol
ós eige meining gaeve,
en die moog gerös
van die van angere versjille;
veur moge haje van
en sjtumme op waem v’r wille.
V’r kómme neet zo mer inne bak terech,
bepaole zelf waal wo veur lid van wille zin.
V’r gaon haer wo v’r zin in höbbe,
en vinje ’t raar es det in anger lenj neet kin.
Mer…
Helemaol vriej zin
óm te keze, te dinke, te doon,
sónger det ‘ne angere dao las van haet
maak ’n mienselaeve pas ech sjoon.
Riky Simons-Julicher
www.veldekeremunj.nl
TC2019-1.3 Riky Simons-Julicher – Torna | Cultura
Breek de Week – Interview over de nieuwe wisseltentoonstelling in het Historiehuis Roermond (2025)
“Kóm euver de brögk” – Veldeke Krink Ech
***
Echts
In vrieheid laeve,
vrie zeen,
dich vrie veule.
Waat beteikent det eigelik
en wienieë lökt det?
Vrieheid,
vrie zeen,
dich vrie veule,
dich blie veule,
gelökkig.
Want det is vrieheid,
toch?
Zelf bepaole
waat ich wil,
wie en wienieë.
Nemes
dae mich get veursjrift
of veur mich bepaolt.
Ich bön vrie
óm det zelf te doon.
Waat ‘n mäögelikheje,
waat ‘n kanse,
waat ‘n opties.
Waat ‘n riekdóm!
Waat ‘n vrieheid
Waat
zal ich doon
es alle opties aope ligke?
Wo
gaon ich haer
es alles ‘n bestömming is?
Wae
wil ich zeen
es ich det zelf gans moog bepaole?
Vrieheid
haef neet allein
mit ruumte,
aafwezigheid van oorlog
of strenge regels te make.
Vrieheid
begint inne kop,
bie mien visie,
mien äövertuginge,
wie sterk det ze zeen
en of ze kloppe.
Wie ich det weit?
Ich vraog ‘t mien hert.
Det haef meistal
äöveral
‘t bèste antjwaord op.
Laura Theunissen
Over Laura – Laura Theunissen
Week van de Poëzie: gedichten van dichter Laura Theunissen uit Slek – L1
Laura Theunissen – 1000 Dichters – De Nacht van de Poëzie on Tour – 03-10-2023
Laura Theunissen Limburgse gedichten met levenswijsheden – Veldeke Limburg
Een gesprek met Laura Theunissen
***
Remunjs
Muundjes
die zich reure
die zich besjeure
die mit lippesjtif kleure
muundjes es ein kösmuulke
en ’t guf wengskes mit ein kuulke
Boekscout: Marianne & Musea van Marianne Wulms – Hovens