Hier komen pruifkes in diverse farianten van ’t Grunnegs: Hogelandsters, Oldambtsters, Onstwedders, Veenkolonioals, Westerkertiers en Westerwolds.
Vrijhaid I, II
I
Begun
Opstoan tegen tirenie
begunt nait mit dikke woorden
mor mit lutje doaden
geliek revierke
dij opwèlt
oet goatje ien grond
vuur van vrij weden willen
begunt as braandend luzivèrke
dij wat strookes aan stekt
stried om vrijhaid gaait aan
nait mit dikke woorden
mor bloots mit doaden
II
Vrijhaid
Vrijhaid is meer as n vlaag oetsteken
meer as n gedicht veurlezen op Daam
meer as bie groaven laans lopen
Vrijhaid is verdroagen kinnen
eren ien stee van verweren
en doar din pien bie lieden
Nane van der Molen
Nane van der Molen | CGTC
***
Grunnegs
Vrij wezen
Ze is net achttien,
gaait heur aigen gaang.
Moeke wast, striekt, kookt,
heur koamer ligt vol kleren.
Moeke loat t geworden,
legt heur gain strobraid ien weg.
Dochter pluust kraant noa
op zuik noar n koamer,
wil vrij wezen,
zelf waiten wat ze dut.
Ze wil t zelf betoalen,
het al wat bieverdainste.
Pa en moe magen kieken
mor heur besluut staait vast.
Ze waarkt en studeert,
wast, striekt, kookt,
roemt heur koamer op,
dweilt ook wat nait van heur is,
ze woont doar nait allain
mor ze is vrij!
Of toch nait?
Coby Poelman-Duisterwinkel
Spanish:
Ser libre
Tiene solo dieciocho años,
va por libre.
Su madre lava, plancha, cocina,
u habitación está llena de ropa.
Su madre la deja hacer lo suyo
no le impone nada.
Su hija está leyendo el periódico,
buscando una habitación;
quiere ser libre,
decidir por sí misma qué hacer.
Quiere pagarla ella misma;
ya tiene trabajo.
Mamá y papá pueden buscar,
pero su decisión ya está tomada.
Ella trabaja y estudia,
lava, plancha, cocina,
ordena su habitación
También friega para otros.
No vive sola,
pero es libre!
O no?
Coby Poelman-Duisterwinkel
Literal translation into English:
Being Free
She's just eighteen,
doing her own thing,
Mom washes, irons, cooks,
her room is full of clothes.
Mom lets her,
doesn't impose anything on her.
Daughter pores over the newspaper
looking for a room,
she wants to be free,
decide for herself.
She wants to pay for it herself,
already has a job.
Mom and Dad can watch,
but her mind is made up.
She works and studies,
washes, irons, cooks,
tidies her room,
mops for others too,
she doesn't live there alone,
but she's free!
Or maybe not?
***
Westerwolds
Take Five
op de meledie van ‘Take Five’ Dave Brubeck
wat is dat noe ja doch veur n daag
nadde en kold
gries bewolkt
en elkenain stoens zoaklek zunder laag
reserveerd
veurbehold
spring den doch
dink noe mor uut of the box
levent is noch nich zo vroks
dwirrel deur de locht
honnerd in de bocht
droai doch
kom den mor
wentel die in zunlicht doar
alens kin en niks is roar
zo is dat echt woar
of kiekst doe laiver doch de kat uut de boom
vertraauwst nich
of bist sloom
zet doch disclaimer altied bie dien tekst
bist doe dekt
as der brek
dou spontoan
stört dien hart uut tot t goatje goan
strek dien nekke dat zai hom òfsloan
nim t risiko
dat is beder zo
en doch
aigenwies
monter brikst doe ja t ies
kleurriek bist in stee van gries
noar t parredies
en as n soateliet swaaifst doe deur t heelal
gewichtloos
toverbal
t is die endelek den lokt lös van aal
grinzeloos
altemoal
magestroal
aal mit aal
hest beriekt
ideoal
Sjoerd Visser
dideldom.nu → Visser, Sjoerd → Benedenmeulenweg
Westerwolde in vijf gedichten › De verhalen van Groningen
Crème de brume – Oader
Sjoerd Visser, auteur op Oader
Gedichten onder dak bij het ziekenhuis in Scheemda – Vrienden van het OZG
Vrijhaid
Weg mit riggels en gain muren.
Elke richten om noar tou te sturen.
Blaauwe lichte zunnelochten.
Niks om veur vot te vlochten.
Veur niks en gainaine naargens bange.
Om diktaators n dikke iezern tange.
Geef diezulf ain vrijhaidsbeeld.
n Hoge vlam, dij de kolde steelt.
Oorlog weg stoppen ien olde bouken.
Kroep weg vanonder grieze douken.
Vrijhaid grinst aan groot gelok.
Vrede stopt gain leven in n hok.
Kist boven de haile wereld zweven.
Fantaseren deur dien laife leven.
t Beste magst veur die winsen.
Loat der vrijhaid wezen veur aale minsen.
Ids Vlieg
idsvliegrijmt
dideldom.nu → 2024 Schriefwedstried, Vlieg, Ids → De wereld
Ids Vlieg – Denken