Börks Midden-Drèents
Gerrit Boer
‘Diggels’ van Gerrit Boer prissenteerd – Huus van de Taol
Boer-Koster.eu – Literatuur uut Drenthe en umstreken
***
Zuudnoordwestdrèents
Bevrijd
Een wolke van stof,
die aans gien glimp verradt,
maor oens neisgierig mèuk
an ’t waark an ’t Zudenpad.
Wij schrukken op,
benauwd wat zul gebeuren…
Maor ach, wij waren al wat ewend…
Zoveule völ te betreuren!
’t Gunk zo rap
die rit naor de kezarn
en laeter weer weerum…
Het mèu koens in de warre.
En nog een keer
leut ’t zaand zuch vrij verstoeven
deur waegens mit grote haost…
Veur oens bleken ’t witte doeven.
Ze reden deur
en mèuken heur een kamp
daor midden op de Brink…
Een ende an vief jaor ramp.
De geur van staol,
benzine en van zwiet,
wordde hier blied’ ontvangen…
Die locht vergeet wij niet!
En ieder jaor
gaot oenze gedaachten
naor de bevrijding op die dag.
Hoe lange duurde ’t waachten…
Ans Klok
Klok, Ans – Huus van de Taol
Ans Klok ontvangt erespeld van Huus van de Taol – RTV Drenthe
DichterBijDwingeloo alle gedichten – Dorpshuis Over Entinghe
***
Zuudwest-Drèents
Gien kettens
Al dromend zweef ik
en zie mijzölf lopen
zie alle meinsen
onder hun eigen glazen kap
met muren en schuttingen
as greinzen, sleutels
um of te sluten
ik wil vrij ween, gien aangsten
gien kettens meer
wil leven as zwarver
as nomade van stee naor stee
wil slaopen tussen de varens
en lachen met de wilde zwienen
verdwienen in het duust’re bos
en as ik weerumme kome
zal het veur de liefde ween
en veur het proosten met
mien kameraoden
zal het ween
wanneer de morgen
mij anröp
Ria Westerhuis
Ria Westerhuis | Dichter
Ria Westerhuis – Wikipedia
AD 1.3 (WEBINAR)
Ria Westerhuis – Google Zoeken
Interview Ria Westerhuis | Meander magazine
https://www.youtube.com/watch?v=bIlDtrI-O5k