Taal
Wat is taal?
As ik baal!
I-j praot raar.
Is dat waor?
Neet begreppn veult.
Niet wét, hoo bedoelt?
De klasse, armen aover mekaar,
Wist ik ’t maor.
Zit toch stille,
Das Juf’s wille.
Gao achter in.
Das ’t begin.
Waorumme slaon?
Zit bevroorn,
Wat verloorn.
Wat misdaon?
Tis mi-j ontgaon.
Zat te dreumn,
Daordeur ekommn.
Neet mét meugen uutjen.
Klas op un klütjen.
Zee wal, ikke neet.
Düt mi-j verdreet.
I-j bunt lastug.
Veul mi-j weerbastug.
Klein en onbegréppn.
Keele dichteknéppn.
Allemaole zo zuur.
Ruste in natuur.
I-j bunt te drök.
Blief neet in wrok.
Wat is taal,
Un heel verhaal.
Gedaon wat kon,
Wat later begon.
Streektaal eigen,
Bemeuers zwiegen.
Laot begin
Eigen gewin.
Wilma Beskers-Ten Barge
***
gin weurde
kleine vrouwleushand röst
op zwaore warkmansknuuste
blikken kruust
ogen spraekt
gin woord ezeg
alles e-uterd
onbeneumd
wetten wat spölt
spraoke van ’t harte
hef mangs gin
weurde
neug
Else Klomps
Else Klomps » Dialectkring
https://elseklomps.jouwweb.nl/