Dubbeldepe weurde
Mag iej maggi en hoold iej wa van hoolt,
wordt t onwies koold en krieg iej zoo skoold,
wos wos of hes t heske leever op de stoet
en is dat wat greune vearf of roet op de roet?
Wat ik al met al hier heure
zint ja dubbeldepe weurde,
is t dan naar naar as ik oe luk ploage
en gen haalvn joa-joa wil op de vroage:
is Tweants nog wa zo plat
of is oonze sproak zo heanig an
t dundoon zwoar zat
en steet t depe noe dik boavn-an?
De mot mot temet wier in t vearknschot
en kjuukn en kuukn oet de kökkn vort,
lol iej um n lolly met der in n dröpke drop,
mos moo’s moos of hes nog a vol noga op?
Doo de do mer mooi met de muziek met,
baske nich duur ne huuskesduur met Bezet,
is de steark steark zat um voort koo te wean
en dreait de dreai nich te stik vuur tendembean?
Gerrit Lansink
Twentse Taalbank
***
Midden-Tweants – Hasselo
Wisse
As der een anvaank ouwer ’t plat
as ne professor an het oreren slöt
ouwer spelling, schriefwieze
en vrömde oalde weurde
dan zeg ik tegen miezelf
weas de wieste.
Mar wördt der dan ne sprök
van grobmoo neumd
den ik toch wisse wal zal kennen
dan verlees ik mie.
Grobmoo, wisse
den is hartstikke dood.
Dat deanken is nog doar an too
mar het valt mie dan flats
as ne koo oet ’t gat.
Bennie Sieverink
Hengelose plezierdichter Bennie Sieverink: ‘Ik was zelfs als boekhouder best creatief’ – 1Twente